31 ліпеня, Мінск /Кар. БЕЛТА/. Белаграпрамбанк пачаў выдаваць крэдыты на жыллё для маючых патрэбу пад 6-9 працэнтаў, паведамілі карэспандэнту БЕЛТА ў прэс-службе банка.
Крэдыт на будаўніцтва жылля пад 6 працэнтаў у першыя два гады і пад 9 працэнтаў у астатнія дадуць толькі чаргавікам - ветэранам баявых дзеянняў на тэрыторыі іншых краін. Ліміт для іншых катэгорый маючых патрэбу ў паляпшэнні жыллёвых умоў ужо вычарпаны. "У пачатку года крэдыт маючым патрэбу ў паляпшэнні жыллёвых умоў Белаграпрамбанк даваў пад 13,5 працэнта гадавых. На праграму выдзялялі Br10 млн. Цяпер стаўка па крэдыце знізілася да 6 працэнтаў за першыя 24 месяцы карыстання крэдытам і да 9 працэнтаў - за наступны перыяд", - растлумачылі ў банку. Зніжэнне ставак па крэдытах выклікана зніжэннем стаўкі рэфінансавання.
У прэс-службе Беларусбанка таксама адзначылі, што ідзе выдача крэдытаў для маючых патрэбу ў паляпшэнні жыллёвых умоў пад 6 працэнтаў у першыя два гады (1/2 стаўкі рэфінансавання) і пад 9 працэнтаў гадавых (1/2 стаўкі рэфінансавання плюс 3 працэнты) - наступныя гады. Сродкі выдзяляюцца Беларусбанкам толькі чаргавікам, накіраваным на будаўніцтва ад мясцовага выканкама, і толькі ў дамах, якія ўваходзяць у пералік Міністэрства будаўніцтва і архітэктуры.-0-
