Мабільная версія
ДЗЯРЖОРГАНЫ
Апошнія навіны
Усе навіны

У Беларусі дзейнічае выключная сістэма бясплатнай юрыдычнай дапамогі - адвакат

Грамадства 19.06.2017 | 16:07

19 чэрвеня, Мінск /Кар. БЕЛТА/. У Беларусі дзейнічае выключная сістэма бясплатнай юрыдычнай дапамогі. Такое меркаванне выказала адвакат Мінскай гарадской калегіі адвакатаў Вольга Савіч у час прэс-канферэнцыі, прысвечанай 95-годдзю адвакатуры Беларусі, перадае карэспандэнт БЕЛТА.

"Заканадаўства Беларусі прадугледжвае вялікі пералік спраў, па якіх грамадзянін мае права атрымаць бясплатную юрыдычную дапамогу, і гэты пералік пастаянна павялічваецца. Напрыклад, бясплатная дапамога аказваецца па працоўных справах. Расходы бярэ на сябе адвакат. Інваліды I і II групы ў прынцыпе вызвалены ад аплаты любой юрыдычнай кансультацыі. Закон дазваляе вызваляць любога грамадзяніна ад аплаты юрыдычнай дапамогі з прычыны яго складанага матэрыяльнага становішча. Як мне здаецца, такога шырокага пераліку спраў, па якіх грамадзяне вызвалены ад аплаты юрыдычнай дапамогі, у суседніх дзяржавах няма", - адзначыла Вольга Савіч.

Кожны год праходзяць дні бясплатнага прыёму грамадзян, калі любы чалавек мае права атрымаць бясплатную юрыдычную дапамогу. Такія мерапрыемствы, як правіла, прымеркаваны да Дня Канстытуцыі, Дня юрыста, Міжнароднага дня пажылога чалавека.

"У любым рэгіёне знойдуцца адвакаты, якія акажуць юрыдычную дапамогу па ўсіх пытаннях любым катэгорыям грамадзян. Магчыма, гэта будзе малады спецыяліст, а не зорка адвакатуры, магчыма, ён будзе не такі вопытны ў вашай сферы, як хацелася б, але, тым не менш, гэта работа будзе зроблена", - падтрымаў калегу адвакат Мінскай абласной калегіі адвакатаў Цімур Сысуеў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час на дамашняе заданне для школьнікаў Аб'ём дамашняга задання павінен адпавядаць санітарным нормам з улікам яго аб'ёму па іншых прадметах.