Мабільная версія
ДЗЯРЖОРГАНЫ
Апошнія навіны
Усе навіны

Тыдзень лесу стартуе ў Беларусі

Грамадства 14.04.2018 | 09:00
Фота з архіва
Фота з архіва

14 красавіка, Мінск /Кар. БЕЛТА/. Тыдзень лесу стартуе ў Беларусі, паведамілі БЕЛТА ў прэс-службе Міністэрства лясной гаспадаркі.

Акцыя пройдзе з 14 па 21 красавіка. Яе арганізатарам традыцыйна выступае Мінлясгас. У гэтым годзе акцыя прысвечана Году малой радзімы і аднаўленню лясоў, пашкоджаных у выніку масавага распаўсюджвання насякомых-шкоднікаў. Галоўная мэта мерапрыемства - прыцягненне шырокай увагі грамадскасці да праблем ляснога фонду, папулярызацыя беражлівых адносін да аднаго з галоўных прыродных рэсурсаў краіны, узмацненне экалагічнай, эканамічнай і сацыяльнай ролі лясоў.

Прыняць удзел у акцыі зможа любы жадаючы. Для гэтага дастаткова звярнуцца ў бліжэйшы лясгас або лясніцтва. Лесагаспадарчыя ўстановы краіны забяспечаць дабравольцаў неабходным інвентаром і пасадачным матэрыялам. Для цяперашняй кампаніі лясгасы краіны падрыхтавалі больш за 17 млн штук пасадачнага матэрыялу, з дапамогай якога будуць створаны новыя лясы на плошчы звыш 3,7 тыс. га.

"Беларусы ахвотна далучаюцца да кампаніі. Многія збіраюцца прыняць удзел у акцыі цэлымі сем'ямі. Таксама мерапрыемства актыўна падтрымліваюць прадстаўнікі бізнесу, грамадскіх аб'яднанняў, сродкаў масавай інфармацыі, органаў дзяржаўнага кіравання, кантралюючых ведамстваў, дэпутацкі корпус і іншыя", - расказалі ў прэс-службе.

Акцыя "Тыдзень лесу" ў гэтым годзе пройдзе 11-ы раз. З кожным годам удзел у мерапрыемстве прымае ўсё большая колькасць беларусаў. У 2016 годзе акцыю падтрымалі 81 тыс. чалавек, у 2017-м - 82,5 тыс.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Экспарт прадукцыі АПК Экспарт беларускай сельгаспрадукцыі ў студзені-маі вырас на 6,5% і дасягнуў $2,071 млрд.