28 чэрвеня, Мінск /Кар. БЕЛТА/. Цэнтралізаванае тэсціраванне па гісторыі Беларусі сёння плануюць прайсці 25 тыс. 410 абітурыентаў. Аб гэтым паведаміў карэспандэнту БЕЛТА дырэктар Рэспубліканскага інстытута кантролю ведаў Мікалай Фяськоў.
У час іспыту катэгарычна забараняецца карыстацца мабільнымі тэлефонамі і шпаргалкамі. Парушальнікі будуць выдалены з аўдыторыі. Прадоўжыць тэсціраванне яны змогуць толькі ў наступным навучальным годзе.
Абітурыенты, якія былі зарэгістраваны, але не з'явіліся на ЦТ па ўважлівых прычынах, маюць права прайсці яго ў рэзервовыя дні - 6, 8 і 10 ліпеня. Іспыты па ўсіх вучэбных прадметах па дадатковым графіку будуць праходзіць у БДУ. Зарэгістравацца для праходжання ЦТ у рэзервовыя дні можна з 30 чэрвеня па 3 ліпеня.-0-
