22 чэрвеня, Мінск /Кар. БЕЛТА/. Цёплае няўстойлівае надвор'е чакаецца ў Беларусі ў выхадныя, паведаміла карэспандэнту БЕЛТА намеснік начальніка службы метэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Святлана Рыбакова.
"Пачатак астранамічнага лета, 21 чэрвеня, азнаменаваўся ў Беларусі пахаладаннем. У сярэдзіне тыдня на тэрыторыю Беларусі накіравалася больш халаднаватае паветра з Балтыйскага мора, і тэмпературны фон панізіўся. Надвор'е пераменлівае, і ў нядзелю пацяплее, але няўстойлівы характар надвор'я захаваецца", - сказала прадстаўнік Гідрамета.
У пятніцу ноччу надвор'е ў Беларусі будзе вызначаць вобласць паніжанага атмасфернага ціску, у некаторых раёнах пройдуць кароткачасовыя дажджы. Днём франтальныя раздзелы абумовяць няўстойлівае надвор'е, на большай частцы тэрыторыі чакаюцца дажджы, у некаторых раёнах прагрымяць навальніцы, а па Брэсцкай вобласці месцамі чакаюцца моцныя дажджы. Ноччу і раніцай магчымы слабы туман. Тэмпература паветра ноччу складзе 9-15 градусаў вышэй за нуль, па поўначы краіны будзе плюс 5-8. Днём чакаецца 17-23 градусы.
Захаваецца няўстойлівае, умерана цёплае надвор'е і ў суботу. Ноччу па паўднёвым захадзе, днём у некаторых раёнах пройдуць кароткачасовыя дажджы, магчымы навальніцы. Ноччу і раніцай чакаецца слабы туман. Тэмпература паветра ноччу складзе 5-12 градусаў вышэй за нуль, па паўднёвым захадзе яна не апусціцца ніжэй за плюс 13-16. Днём тэмпература будзе знаходзіцца ў межах 17-24 градусы цяпла.
У нядзелю ўмовы надвор'я будуць вызначаць франтальныя раздзелы і больш цёплыя паветраныя масы з Заходняй Еўропы. У некаторых раёнах пройдуць дажджы, прагрымяць навальніцы. Тэмпература паветра ноччу складзе 10-16 градусаў вышэй за нуль. Днём - 19-26 градусаў цяпла, па поўдні паветра прагрэецца да плюс 29.
У панядзелак, 26 чэрвеня, франтальныя раздзелы абумовяць ноччу пераважна па ўсходзе і паўночным захадзе, а днём на большай частцы тэрыторыі краіны кароткачасовыя дажджы, у некаторых раёнах навальніцы. Тэмпература паветра ноччу складзе 9-16 градусаў вышэй за нуль. Днём - 17-24 градусы цяпла, па паўднёвым усходзе - да плюс 28.
Надвор'е 27 чэрвеня ў Беларусі будзе вызначаць вобласць павышанага атмасфернага ціску, і толькі на поўначы будзе адчувацца ўплыў няўстойлівых паветраных мас балтыйскага паходжання. Будзе пераважна без ападкаў, толькі па поўначы краіны пройдуць кароткачасовыя навальнічныя дажджы. Тэмпература паветра ноччу складзе 7-14 градусаў вышэй за нуль. Днём - 20-27 градусаў цяпла, па паўднёвым захадзе паветра прагрэецца да плюс 29.-0-
