Мабільная версія
ДЗЯРЖОРГАНЫ
Апошнія навіны
Усе навіны

Тэст-сістэму для ацэнкі стану імунітэту распрацавалі ў Беларусі

Грамадства 08.01.2018 | 12:59
Фота з архіва
Фота з архіва

8 студзеня, Мінск /Святлана Васілеўская - БЕЛТА/. Тэст-сістэму для вызначэння стану імунітэту распрацавалі ў Беларусі, паведаміла карэспандэнту БЕЛТА навуковы супрацоўнік лабараторыі генетычных біятэхналогій РНПЦ дзіцячай анкалогіі, гематалогіі і імуналогіі Марыя Сцёганцава.

"Наша тэст-сістэма дае магчымасць вызначыць колькасць лімфацытаў у перыферычнай крыві, дзякуючы чаму можна ацаніць стан імунітэту, інакш кажучы наколькі добра праходзіць прадукцыя новых клетак. Калі колькасць лімфацытаў зніжана, значыць, у чалавека ёсць нейкія праблемы з імуннай сістэмай і неабходна больш разгорнутая дыягностыка поўнага саставу клетачных субпапуляцый, напрыклад, імунаграма. Калі ўсё добра, неабходнасці ў далейшай дыягностыцы няма", - сказала Марыя Сцёганцава.

У прыватнасці, прымяненне новага метаду мэтазгодна для скрынінгу першасных імунадэфіцытаў у нованароджаных. Прыроджаныя парушэнні імуннай сістэмы з кожным годам сустракаюцца ўсё часцей. Калі ставіцца адпаведны дыягназ на аснове іншых метадаў, як правіла, дзеці ўжо маюць цяжкія інфекцыйныя ўскладненні: пастаянныя прастуды, атыты, бранхіты і г.д. Устанавіўшы захворванне на ранніх этапах, яшчэ да развіцця такіх ускладненняў, можна не толькі палепшыць стан здароўя дзіцяці, але і знізіць расходы на лячэнне.

Тэст-сістэма прымяняецца і для рэтраспектыўнай дыягностыкі, калі няма магчымасці адразу узяць кроў у пацыента. Чалавек мог здаць біялагічны матэрыял раней, калі яшчэ не стаяла пытанне аб наяўнасці ў яго нейкага расстройства імуннай сістэмы. Замарожаны матэрыял для імунаграммы або іншага дэтальнага метаду непрыдатны. "Наш метад працуе на ўзроўні ДНК, таму мы можам правесці ацэнку і атрымаць рэзультат, выкарыстоўваючы захаваны раней узор крыві", - адзначыла навуковы супрацоўнік.

Акрамя таго, метад прымяняецца і ў якасці дыферэнцыяльнай дыягностыкі, калі няма неабходнасці або паказанняў для правядзення разгорнутага аналізу. У цэлым тэст-сістэма даволі шматфункцыянальная. У параўнанні з імунаграмай яе прымяненне абыходзіцца ў шмат разоў танней.

У ЗША такі метад зацверджаны на заканадаўчым узроўні, у Еўропе прымяняецца пакуль толькі ў навуковых мэтах. У Беларусі ён выкарыстоўваецца толькі ў РНПЦ дзіцячай анкалогіі, гематалогіі і імуналогіі. Спецыялісты цэнтра пры падтрымцы Міністэрства аховы здароўя цяпер прапрацоўваюць магчымасць пашырыць спектр прымянення гэтага метаду. Перспектыўным можа стаць, напрыклад, маніторынг аднаўлення лімфацытаў пасля трансплантацыі ў пацыентаў не толькі з імунадэфіцытамі, але і анказахворваннямі.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Бяспечны электраабагравальнік Рэкамендуецца: - уважліва чытаць інструкцыю, звяртаць увагу на час эксплуатацыі прыбора і патрабаванні па дапушчальным току; - трымаць электрапрыбор на бяспечнай адлегласці ад фіранак і мэблі і г.д.