21 лістапада, Мінск /Кар. БЕЛТА/. Спецыяльная рабочая група зоймецца распрацоўкай стратэгіі стварэння ў Беларусі сетак сотавай рухомай электрасувязі пятага пакалення (5G). Гэта прадугледжана распараджэннем прэм'ер-міністра ад 20 лістапада 2019 года нумар 585р, паведамляе БЕЛТА са спасылкай на Нацыянальны прававы інтэрнэт-партал.
Згодна з дакументам, рабочая група павінна да 2 сакавіка 2020 года падрыхтаваць комплексныя прапановы адносна мадэлі стварэння сетак 5G для накіравання кіраўніку дзяржавы.
Старшынёй рабочай групы назначаны першы намеснік прэм'ер-міністра Аляксандр Турчын.-0-