8 лістапада, Мінск /Кар. БЕЛТА/. Стацыянарныя тэлефоны ў Партызанскім і Заводскім раёнах Мінска сёння могуць не працаваць з-за пажару ў будынку АТС у Ахоцкім завулку, паведамляе Мінскае гарадское ўпраўленне МНС у сваім твітар-акаўнце, перадае БЕЛТА.
У МНС падкрэслілі, што мабільная сувязь і электразабеспячэнне дамоў працуюць.
У "Белтэлекаме" пацвердзілі, што з-за аварыйнай сітуацыі на АТС 242 і 243 (завулак Ахоцкі, 21) у Мінску часова прыпынена аказанне паслуг сувязі для абанентаў, якія пражываюць па вул. Радыяльнай, Цэнтральнай, Байкальскай, Герасіменкі, Ангарскай, Несцерава, Ілімскай, Балотнікава, Алтайскай, частцы Партызанскага праспекта.
"Наступствы аварыі выявяцца на абмежаванні паслуг шырокапалоснага доступу ў сетку Інтэрнэт, IPTV, тэлефоннай сувязі часткі абанентаў. Цяпер праводзяцца аварыйна-аднаўленчыя работы", - растлумачылі ў прэс-службе прадпрыемства.
"Белтэлекам" просіць выбачэння за дастаўленыя нязручнасці.-0-
