Мабільная версія
ДЗЯРЖОРГАНЫ
Апошнія навіны
Усе навіны

СМІ не павінны скажаць інфармацыю - Ананіч

Грамадства 03.03.2016 | 17:55
Лілія Ананіч
Лілія Ананіч

3 сакавіка, Мінск /Кар. БЕЛТА/. СМІ не павінны скажаць інфармацыю, заявіла на сустрэчы з прэс-сакратарамі дзяржструктур міністр інфармацыі Беларусі Лілія Ананіч, перадае карэспандэнт БЕЛТА.

"Сёння відавочна заангажыраванасць пэўных рэсурсаў. І колькі іх ні падсілкоўвайце інфармацыяй, яны ўсё роўна пераставяць яе ў іншую плоскасць, гэта іх задача. Гэта мой пункт гледжання", - сказала міністр.

У гэтым кантэксце роля прэс-сакратара зводзіцца і да таго, каб адсочваць, якая інфармацыя даводзілася, скажоная яна ці не, калі скажоная, то прынцыпова ці не, адзначыла Лілія Ананіч. "У адрас Міністэрства інфармацыі паступалі звароты нават не наконт самога вырванага слова, а тых каментарыяў, якія з'яўляюцца на форумах пасля таго, як гэта слова вырываецца. Ніхто не пазбаўляе СМІ свабоды, у іх роўныя правы на медыйным полі. Але трэба пісаць праўду", - сказала міністр.

Яна прывяла нядаўні прыклад, калі ведамства вынесла папярэджанне рэсурсу за размяшчэнне недакладнай статыстычнай інфармацыі. "Цяпер спрабуюць напісаць, што інфармацыя была размешчана ў рубрыцы "Меркаванні", а двойчы было напісана добра. Але можна хоць пяць разоў напісаць добра, але быць дакладнымі вы абавязаны заўсёды. Калі ж нехта такое меркаванне выказаў, рэдакцыя павінна ўбачыць і выправіць, бо ўсякае слова мае афарбоўку", - сказала Лілія Ананіч.

Міністр лічыць, што паводзіны прэс-сакратара павінны быць актыўнымі і, пажадана, аператыўнымі. Ёсць мяжа ўсёдазволенасці, і трэба разбірацца, калі скажона інфармацыя ведамства. "Калі гэта адбылося з-за непрафесіяналізму, то трэба дапамагаць, рыхтаваць добры прэс-рэліз. Журналісты не могуць быць спецыялістамі ва ўсіх сферах, і гэта не трэба, каб вучылі ўсяму і ўсіх. Але журналісты абавязаны ставіць правільныя акцэнты, а таму і ўзрастае роля прэс-сакратара", - падкрэсліла міністр.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэнамінацыя-2016 Рашэнне аб правядзенні дэнамінацыі афіцыйнай грашовай адзінкі з 1 ліпеня 2016 года замацавана ўказам Прэзідэнта ад 4 лістапада нумар 450.