25 ліпеня, Мінск /Кар. БЕЛТА/. Дарожныя работы, якія праводзяцца цяпер на МКАД і прадоўжацца да 10 жніўня, могуць стаць прычынай змяненняў скораснага рэжыму, паведамілі БЕЛТА ў прэс-службе ДАІ ГУУС Мінгарвыканкама.
Работы вядуцца на знешнім кальцы МКАД ад Курапат да Даўгінаўскага тракту. "Вадзіцелям неабходна быць вельмі ўважлівымі і строга выконваць патрабаванні дарожных знакаў. Магчымы масавыя перастраенні, а таксама зніжэнне скорасці транспартнага патоку. Для прыцягнення дадатковай увагі іншых удзельнікаў дарожнага руху пры рэзкім зніжэнні скорасці ДАІ рэкамендуе ўключаць аварыйную светлавую сігналізацыю", - адзначылі ў ДАІ.-0-