Сцяг Пятніца, 29 сакавіка 2024
Усе навіны
Усе навіны
Грамадства
18 чэрвеня 2021, 09:02

Сенатар: заходнія суседзі фінансуюць дэструктыўную дзейнасць і зводзяць да нуля шматгадовае супрацоўніцтва

18 чэрвеня, Мінск /Кар. БЕЛТА/. Заходнія краіны-суседзі фінансуюць відавочна дэструктыўную дзейнасць, накіраваную на тое, каб раз'яднаць нас, звесці да нуля ўсё, што дасягнута за доўгія гады стараннай працы і супрацоўніцтва. Такое меркаванне карэспандэнту БЕЛТА выказаў член Савета Рэспублікі, галоўны ўрач Брэсцкай абласной клінічнай бальніцы Аляксандр Карпіцкі.

Ён адзначыў, што ў нашых медыкаў наладжаны цесныя сувязі з такімі ж прафесіяналамі ў сферы аховы здароўя Польшчы і Літвы.

"З калегамі з гэтых краін нас звязваюць не толькі дзелавыя кантакты ў рамках міжнародных праектаў трансгранічнага супрацоўніцтва (дарэчы сказаць, паспяховых), але і моцная дружба, выпрацаваная гадамі. Шчыра прызнацца, не ўяўляю, што павінна здарыцца, каб гэтыя сувязі і гэта дружба сцерліся з памяці. Мы патрацілі нямала грашовых сродкаў бакоў для дасягнення значных вынікаў у рэалізацыі агульных ідэй і планаў для паляпшэння якасці медыцыны ў нашых краінах, пастаянна на сувязі на агульных канферэнцыях, сімпозіумах, ды і ў асабістых камунікацыях. Сёння на стадыі падрыхтоўкі новыя праекты, - расказаў сенатар. - І раптам разумееш, што тыя ж краіны ідуць на фінансаванне відавочна дэструктыўнай дзейнасці, накіраванай на тое, каб раз'яднаць нас, звесці да нуля ўсё, што дасягнута за доўгія гады плённай працы і супрацоўніцтва".

Паводле слоў Аляксандра Карпіцкага, ён размаўляў на гэту тэму са сваімі калегамі. "Мы сышліся на думцы: неабходна звярнуць увагу палітычных дзеячаў і заканадаўчых органаў на тое, куды ідуць сродкі дзяржаў-суседзяў. Можа, настаў час запытаць у нашых народаў, куды накіраваць фінансавыя патокі - на фінансаванне беларускай апазіцыі або далейшае развіццё сацыяльных праектаў трансгранічнага супрацоўніцтва", - падкрэсліў сенатар.-0-

Падпісвайцеся на нас у
Twitter
Топ-навіны
Свежыя навіны Беларусі