16 студзеня, Мінск /Кар. БЕЛТА/. Рэальныя наяўныя грашовыя даходы насельніцтва Беларусі ў студзені-лістападзе 2017 года склалі 101,5 працэнта да ўзроўню студзеня-лістапада 2016 года, паведамілі БЕЛТА ў Нацыянальным статыстычным камітэце.
У агульным аб'ёме грашовых даходаў аплата працы займае 62,6 працэнта, даходы ад прадпрымальніцкай і іншай дзейнасці, якая прыносіць даход, - 8,2 працэнта, трансферты насельніцтву (пенсіі, дапамогі, стыпендыі і іншыя трансферты насельніцтву) - 23,9 працэнта, даходы ад уласнасці і іншыя даходы - 5,3 працэнта.
Рэальныя наяўныя грашовыя даходы насельніцтва - гэта грашовыя даходы за вылікам падаткаў, збораў і ўзносаў, скарэкціраваныя на індэкс спажывецкіх цэн на тавары і паслугі.-0-