23 лютага, Мінск /Кар. БЕЛТА/. У 2018 годзе прадаўжаецца працэс аптымізацыі, вынікам якога стане павышэнне баявой магутнасці Узброеных Сіл. Аб гэтым у інтэрв'ю карэспандэнту БЕЛТА паведаміў міністр абароны Андрэй Раўкоў.
"У 2018 годзе прадаўжаецца працэс аптымізацыі, вынікам якога мы бачым павышэнне баявой магутнасці Узброеных Сіл за кошт павелічэння баявога кампанента пры адначасовым зніжэнні колькасці забяспечваючых структур, выбарачнага пераўзбраення на новыя комплексы ўзбраення і ваеннай тэхнікі", - сказаў Андрэй Раўкоў.
У 2016 годзе пачалася рэалізацыя чарговага пяцігадовага плана будаўніцтва і развіцця Узброеных Сіл, які распрацаваны з улікам прагнозу развіцця ваенна-палітычнай і стратэгічнай абстаноўкі ў свеце і Еўрапейскім рэгіёне, удакладненых падыходаў да прымянення войскаў, закладзеных у дакументы ваеннага планавання, а таксама патрабаванняў, якія выстаўляюцца да перспектыўных Узброеных Сіл.
"Галоўнай мэтай да 2020 года вызначана стварэнне кампактнай, мабільнай, высока падрыхтаванай і добра аснашчанай арміі, здольнай процідзейнічаць новым выклікам і пагрозам, у тым ліку вельмі модным, дзякуючы журналістам, "гібрыдным пагрозам". Што датычыцца атрыманых на сённяшні дзень вынікаў гэтай работы, то іх можна вызначыць наступным тэзісам - сучасныя Узброеныя Сілы ў цэлым адпавядаюць сённяшнім рэаліям забеспячэння нацыянальнай бяспекі ў ваеннай сферы і з'яўляюцца важнейшым сродкам стратэгічнага стрымлівання, прадухілення вайны", - дадаў міністр.-0-
