5 студзеня, Мінск /Кар. БЕЛТА/. Расійскі лоўкостар "Перамога" атрымаў акрэдытацыю на палёты Санкт-Пецярбург - Мінск і Масква - Гомель, паведаміў карэспандэнту БЕЛТА дырэктар дэпартамента па авіяцыі Міністэрства транспарту і камунікацый Уладзімір Косцін.
"Сапраўды расійская авіякампанія "Перамога" ў снежні 2017 года атрымала акрэдытацыю на дзве лініі: Санкт-Пецярбург - Мінск і Масква - Гомель. Авіякампанія выканала неабходныя ўмовы і прайшла акрэдытацыю ў адпаведнасці з нашымі авіяцыйнымі правіламі", - растлумачыў Уладзімір Косцін.
Пры гэтым дырэктар дэпартамента ўдакладніў, што цяпер "Перамога" будзе весці перагаворы з Нацыянальным аэрапортам Мінск і кампаніяй "Белавія". "Будзе ўзгадняцца расклад, заключацца дагаворы з абслуговымі арганізацыямі. Як часта расійская авіякампанія будзе лятаць у Мінск і Гомель, пакуль невядома", - адзначыў ён.
Авіякампанія "Перамога" атрымала допуск ад "Расавіяцыі" да рэгулярных рэйсаў у Беларусь у лістападзе 2017 года.-0-
