Мабільная версія
ДЗЯРЖОРГАНЫ
Апошнія навіны
Усе навіны

Рашэнне пытання аб вадзіцельскіх правах працуючых у Расіі беларусаў аформлена пастановай саюзнага Саўміна

Грамадства 19.06.2017 | 17:17

19 чэрвеня, Масква /Эдуард Півавар - БЕЛТА/. Рашэнне пытання аб выкарыстанні вадзіцельскіх пасведчанняў грамадзянамі Беларусі пры ажыццяўленні ў Расіі прадпрымальніцкай і працоўнай дзейнасці, звязанай непасрэдна з кіраваннем транспартнымі сродкамі, аформлена пастановай Савета Міністраў Саюзнай дзяржавы, пасяджэнне якога адбылося 16 чэрвеня ў Санкт-Пецярбургу. Аб гэтым гаворыцца ў паведамленні Пастаяннага камітэта Саюзнай дзяржавы, што паступіла ў БЕЛТА.

З 1 чэрвеня 2017 года ўступілі ў сілу палажэнні расійскага закона "Аб бяспецы дарожнага руху", якімі не дапускаецца кіраванне транспартнымі сродкамі на падставе замежных нацыянальных або міжнародных вадзіцельскіх пасведчанняў пры ажыццяўленні прадпрымальніцкай і працоўнай дзейнасці, звязанай непасрэдна з кіраваннем транспартнымі сродкамі.

Пад дзеянне гэтай нормы падпадалі і грамадзяне Беларусі, якія часова пражываюць або часова знаходзяцца і працуюць у Расіі.

"У мэтах забеспячэння належнай практычнай рэалізацыі рашэння Вышэйшага Савета Супольніцтва Беларусі і Расіі ад 22 чэрвеня 1996 года нумар 4 "Аб роўных правах на працаўладкаванне, аплату працы і прадастаўленне іншых сацыяльна-працоўных гарантый" і дагавора паміж Расіяй і Беларуссю аб роўных правах грамадзян ад 25 снежня 1998 года, якія ўстанавілі, што грамадзяне Расіі і Беларусі маюць роўныя правы на ўдзел у гаспадарчай дзейнасці на тэрыторыях бакоў, а таксама што дакументы, выдадзеныя ў Беларусі і Расіі для рэалізацыі працоўных правоў і сацыяльна-працоўных гарантый іх грамадзян, прызнаюцца без легалізацыі, 16 чэрвеня прынята пастанова Савета Міністраў Саюзнай дзяржавы", - адзначаецца ў паведамленні.

У Пастаянным камітэце растлумачылі, што для грамадзян Беларусі, якія часова пражываюць або часова знаходзяцца і працуюць у Расіі, з'яўляюцца дастатковымі вадзіцельскія пасведчанні, выдадзеныя кампетэнтнымі органамі Беларусі, для кіравання транспартнымі сродкамі пры ажыццяўленні працоўнай дзейнасці ў Расіі.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Час стаць прыкметней З 16 па 26 кастрычніка Дзяржаўтаінспекцыя праводзіць рэспубліканскую акцыю па прафілактыцы гібелі і траўматызму людзей на дарогах у цёмны час сутак.