25 мая, Мінск /Кар. БЕЛТА/. Пытанні рэгіянальнай бяспекі абмеркавалі Мінабароны Беларусі і НАТА, паведамілі БЕЛТА ў Міністэрстве абароны.
Сустрэча начальніка Дэпартамента міжнароднага ваеннага супрацоўніцтва - памочніка міністра абароны па пытаннях міжнароднага ваеннага супрацоўніцтва Алега Воінава з намеснікам памочніка Генеральнага сакратара НАТА па палітычных пытаннях і палітыцы бяспекі Джэймсам Апатураем прайшла ў час форуму "Усходняя Еўропа: у пошуках бяспекі для ўсіх".
Бакі абмеркавалі пытанні рэгіянальнай бяспекі, абмяняліся думкамі аб стане і перспектывах развіцця супрацоўніцтва Беларусі і НАТА ў ваеннай сферы.-0-