Мабільная версія
ДЗЯРЖОРГАНЫ
Апошнія навіны
Усе навіны

Пуцёўка ў дзіцячы летні лагер у сярэднім будзе каштаваць Br430

Грамадства 22.05.2018 | 15:32
Фота з архіва
Фота з архіва

22 мая, Мінск /Кар. БЕЛТА/. Пуцёўка ў дзіцячы летні лагер у сярэднім будзе каштаваць Br430. Аб гэтым ішла сёння размова на нарадзе з удзелам намесніка прэм'ер-міністра Васіля Жарко па падрыхтоўцы і правядзенні дзіцячай летняй аздараўленчай кампаніі 2018 года, паведамляе БЕЛТА са спасылкай на сайт урада.

Сярэдні кошт пуцёўкі ў аздараўленчы лагер з кругласутачным знаходжаннем на 18 дзён складзе Br430 (пры гэтым памер патаннення цаны пуцёўкі за кошт дзяржаўных сродкаў складзе Br185, або 43 працэнты яе поўнага кошту), з дзённым знаходжаннем - Br93 (памер патаннення - Br76 рублёў, або 81,7 працэнта яе поўнага кошту). Частка затрат на набыццё пуцёвак будзе ажыццяўляцца за кошт сродкаў прадпрыемстваў, прафсаюзных арганізацый, а таксама мясцовых бюджэтаў.

На правядзенне дзіцячай летняй аздараўленчай кампаніі 2018 года са сродкаў рэспубліканскага бюджэту плануецца накіраваць Br43 млн (Br41 млн - на патанненне кошту пуцёвак у аздараўленчыя лагеры; Br1,5 млн - на набыццё пуцёвак для льготных катэгорый дзяцей; Br0,5 млн - на аказанне дапамогі ў падрыхтоўцы стацыянарных аздараўленчых лагераў да работы ў летні перыяд).

На нарадзе адзначана, што ў краіне створаны неабходныя ўмовы, што даюць магчымасць забяспечыць летам аздараўленне ўсіх дзяцей 6-18 гадоў, якія маюць у гэтым патрэбу і жадаюць адпачыць. Летам будуць працаваць каля 5,9 тыс. дзіцячых аздараўленчых лагераў. З іх 1,6 тыс. - з кругласутачным знаходжаннем дзяцей (у тым ліку 146 стацыянарных) і 4,3 тыс. лагераў - з дзённым.

Паводле папярэдняй ацэнкі, у аздараўленчых лагерах усіх тыпаў летам адпачнуць больш за 377 тыс. дзяцей, у тым ліку 14 тыс. дзяцей-сірот і больш за 4 тыс. дзяцей-інвалідаў.

Па выніках нарады Васіль Жарко даручыў рэспубліканскім органам дзяржкіравання, аблвыканкамам і Мінскаму гарвыканкаму, уласнікам аздараўленчых лагераў забяспечыць своечасовую поўную гатоўнасць устаноў да прыёму дзяцей, укамплектаванасць іх падрыхтаванымі кадрамі, распрацоўку цікавых праграм культурна-масавых і спартыўных мерапрыемстваў.

Асаблівы акцэнт віцэ-прэм'ер зрабіў на забеспячэнні бяспечнага знаходжання дзяцей у лагерах, павелічэнні ахопу аздараўленнем дзяцей-інвалідаў, дзяцей-сірот і дзяцей, якія засталіся без апекі бацькоў, а таксама праблемных падлеткаў.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Стадыён "Дынама" Стадыён "Дынама" быў афіцыйна адкрыты 12 чэрвеня 1934 года, рэканструяваны ў 1939 годзе, разбураны ў час Вялікай Айчыннай вайны. Новы стадыён пабудаваны ў 1947-1954 гадах.