18 ліпеня, Мінск /Кар. БЕЛТА/. Пры Адміністрацыі Прэзідэнта Беларусі створана група экспертаў для ўдзелу ў падрыхтоўцы важнейшых заканадаўчых актаў. Такое рашэнне змешчана ў распараджэнні кіраўніка Адміністрацыі Прэзідэнта ад 14 ліпеня 2017 года нумар 70ра. Аб гэтым паведамілі БЕЛТА ў Нацыянальным цэнтры прававой інфармацыі.
У склад групы ўвайшлі вядомыя вучоныя і высокакваліфікаваныя практычныя работнікі. У ліку іх задач - падрыхтоўка экспертных заключэнняў пасля разгляду праектаў заканадаўчых актаў і прагназаванне вынікаў іх прыняцця. Таксама эксперты будуць распрацоўваць рэкамендацыі па ўдасканаленні заканадаўства і нарматворчай дзейнасці.
Група экспертаў будзе працаваць на грамадскіх пачатках. Экспертныя заключэнні, падрыхтаваныя па выніках яе работы, будуць выкарыстоўвацца пры падрыхтоўцы матэрыялаў для даклада кіраўніку дзяржавы адпаведных праектаў заканадаўчых актаў, растлумачылі ў НЦПІ.
"Утварэнне групы экспертаў дасць магчымасць максімальна выкарыстоўваць дасягненні сучаснай юрыдычнай навукі і навуковыя метады пазнання пры падрыхтоўцы важнейшых заканадаўчых актаў", - адзначылі ў цэнтры.-0-