Мабільная версія
ДЗЯРЖОРГАНЫ
Апошнія навіны
Усе навіны

Пракурор папрасіў Бегуну 8 гадоў пазбаўлення волі

Грамадства 09.11.2017 | 17:32

9 лістапада, Мінск /Кар. БЕЛТА/. Дзяржабвінаваўца сёння ў ходзе спрэчак папрасіў былому намесніку міністра па надзвычайных сітуацыях Беларусі Дзмітрыю Бегуну 8 гадоў пазбаўлення волі з адбываннем пакарання ў калоніі ўзмоцненага рэжыму, паведаміла БЕЛТА памочнік старшыні суда Заводскага раёна Мінска Таццяна Брысіна.

Для другога фігуранта справы, былога дырэктара ТАА "РМ Грыфрэстаўрацыя" Аляксандра Грыца, пракурор просіць 5 гадоў абмежавання волі без накіравання ў калонію.

Як вынікае з абвінавачання, Бягун браў хабар неаднаразова з мая 2013 года па сакавік 2017-га. У прыватнасці, знаходзячыся на пасадзе начальніка Мінскага гарадскога ўпраўлення (МГУ) МНС, на працягу 2013-2014 гадоў прыкладна за пяць прыёмаў ён атрымаў ад Грыца ў якасці хабару грашовыя сродкі ў памеры не менш як Br90 млн (да дэнамінацыі). Размова ішла аб беспраблемным прыняцці падначаленымі работнікамі выкананых работ і своечасовай аплаце па дагаворы будаўнічага падраду паміж МГУ і "РМ Грыфрэстаўрацыя", згодна з якім выконваліся будаўніча-рамонтныя работы ў памяшканні па адрасе Лагойскі тракт, 17а.

Акрамя таго, ён браў хабары і на пасадзе намесніка міністра па надзвычайных сітуацыях. Ведаючы, што работы па знадворным уцяпленні будынка станцыі тэхабслугоўвання аўтамабіляў прыпынены, даў указанне падначаленаму аказаць дапамогу па беспраблемным і больш хуткім атрыманні станоўчага заключэння экспертнага савета. У выніку ў кароткія тэрміны былі падрыхтаваны неабходныя дакументы і праведзена пасяджэнне савета са станоўчым вынікам. За названыя дзеянні ў чэрвені-жніўні 2016 года Бягун атрымаў грошы ў два прыёмы - усяго не менш як Br4 тыс.

Дзмітрый Бягун абвінавачваецца ва ўчыненні злачынства, прадугледжанага ч.3 арт.430 КК Беларусі. Другому фігуранту інкрымінуецца ч.5 арт.16, ч.2 арт.431 (падбухторванне да дачы хабару) КК.-0

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.