17 студзеня, Мінск /Кар. БЕЛТА/. Пытанні распрацоўкі дзейсных механізмаў сацыяльнай падтрымкі беспрацоўных і найбольш неабароненых катэгорый насельніцтва разгледжаны на сустрэчы кіраўніцтва і спецыялістаў Міністэрства працы і сацыяльнай абароны з кіраўніком прадстаўніцтва Сусветнага банка ў Беларусі Ян Чул Кімам, паведамілі БЕЛТА ў профільным ведамстве.
На сустрэчы прысутнічалі першы намеснік міністра працы і сацыяльнай абароны Андрэй Лабовіч, намеснік міністра працы і сацыяльнай абароны Ігар Старавойтаў, спецыялісты міністэрства і прадстаўніцтва Сусветнага банка.
Бакі абмеркавалі перспектывы супрацоўніцтва і магчымасці павышэння эфектыўнасці далейшага дыялогу. Дасягнута дамоўленасць аб падтрыманні рабочых кантактаў для абмеркавання актуальных пытанняў узаемадзеяння.-0-