21 ліпеня, Мінск /Кар. БЕЛТА/. Пасольствы Беларусі ў Турцыі і Балгарыі (у Грэцыі па сумяшчальніцтве) сочаць за сітуацыяй у сувязі з землетрасеннем каля берагоў Турцыі і Грэцыі. Такая інфармацыя размешчана ў твітар-акаўнце Міністэрства замежных спраў Беларусі, паведамляе БЕЛТА.
"Пасольствы Беларусі ў Турцыі і Балгарыі (у Грэцыі па сумяшчальніцтве) сочаць за сітуацыяй у сувязі з землетрасеннем каля берагоў Турцыі і Грэцыі, каб пры неабходнасці дапамагчы нашым турыстам", - гаворыцца ў паведамленні.
Як паведамлялася, землетрасенне магутнасцю амаль 7 балаў адбылося ноччу каля 1.30 па мясцовым часе ў Эгейскім моры. Паводле даных сейсмолагаў, эпіцэнтр знаходзіўся недалёка ад курортнага горада Бодрум на паўднёвым захадзе Турцыі і за 16 км ад грэчаскага вострава Кос, які таксама папулярны ў турыстаў. Ачаг падземных штуршкоў залягаў на глыбіні 10 км. Паведамляецца аб больш як 120 пацярпелых і двух загінулых на грэчаскім востраве Кос, а таксама аб шпіталізацыі некалькіх жыхароў турэцкага горада Мугла і каля 70 пацярпелых у горадзе Бодрум. -0-
