17 кастрычніка, Мінск /Кар. БЕЛТА/. Пасажырапаток у Нацыянальным аэрапорце Мінск у студзені-верасні 2017 года павялічыўся на 22 працэнты ў параўнанні з аналагічным перыядам мінулага года. Такая інфармацыя размешчана на сайце аэрапорта, паведамляе БЕЛТА.
У верасні 2017 года аэрапорт абслужыў больш за 403 тыс. пасажыраў, прырост склаў 13,6 працэнта. Колькасць пасажыраў з пачатку года перавысіла 3,1 млн, што на 22 працэнты вышэй за паказчык мінулага года. За верасень бягучага года аэрапорт абслужыў 2 260 самалёта-вылеты, што на 5,2 працэнта больш. З пачатку года абслужана 18 524 самалёта-вылеты - на 7,7 працэнта больш.
РУП "Нацыянальны аэрапорт Мінск" - першы міжнародны аэрапорт Беларусі, сертыфікаваны ў адпаведнасці з міжнародным стандартам ISO 9001 комплексна па ўсіх напрамках дзейнасці. Палёты са сталічнага аэрапорта выконваюцца больш як па 40 міжнародных напрамках Еўропы, Блізкага Усходу і іншых рэгіёнаў.-0-
