13 верасня, Мінск /Кар. БЕЛТА/. Парывісты вецер і навальніцы чакаюцца ў Беларусі 14 верасня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Уначы пераважна па паўночна-заходняй палавіне, удзень на большай частцы тэрыторыі пройдуць кароткачасовыя дажджы. У дзённы час у асобных раёнах магчымы навальніцы. Вецер чакаецца паўднёва-заходні 5-10 м/с, у многіх раёнах парывы да 15-20 м/с. У сувязі з гэтым аб'яўлены аранжавы ўзровень небяспекі.
Тэмпература паветра ўначы складзе 9-15 градусаў вышэй за нуль, удзень будзе ад плюс 16 па паўночным захадзе да плюс 25 па паўднёвым усходзе краіны.-0-