7 снежня, Мінск /Кар. БЕЛТА/. Парывісты вецер і да 12 градусаў марозу чакаецца ў Беларусі 8 снежня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
У аўторак чакаецца пераменная воблачнасць, будзе без ападкаў. На асобных участках дарог магчыма галалёдзіца. Вецер прагназуецца паўднёва-ўсходні 5-10 м/с, з парывамі да 12-14 м/с, уначы месцамі ў заходніх раёнах - да 15-18 м/с.
Тэмпература паветра ўначы складзе ад мінус 3 па захадзе да 12 градусаў марозу па ўсходзе краіны, удзень будзе 1-6 градусаў ніжэй за нуль.-0-
