18 жніўня, Мінск /Кар. БЕЛТА/. Папулярнасць сярэдняй спецыяльнай адукацыі сярод беларускіх абітурыентаў расце. Аб гэтым сведчаць папярэднія вынікі прыёму ў 2017 годзе, аб якіх сёння на прэс-канферэнцыі ў прэс-цэнтры БЕЛТА расказала кансультант упраўлення прафесійнай адукацыі Міністэрства адукацыі Беларусі Таццяна Караткевіч.
Спецыяліст праінфармавала, што ў 2017 годзе ў сярэднія спецыяльныя навучальныя ўстановы планавалася прыняць 39 тыс. чалавек, у тым ліку 24 тыс. - за кошт сродкаў бюджэту. "Паводле папярэдніх даных, агульны працэнт выканання плана прыёму склаў 97,1 працэнта, што крыху лепш за паказчыкі ў аналагічным перыядзе мінулага года - 96,7 працэнта. Бюджэтныя месцы запоўнены на 99,5 працэнта. Гэта таксама больш высокі паказчык, чым у 2016 годзе", - адзначыла Таццяна Караткевіч. Што датычыцца плана прыёму на платнае, то ён выкананы на 93 працэнты.
Паводле слоў прадстаўніка Мінадукацыі, у бягучым годзе самымі запатрабаванымі ў абітурыентаў былі правазнаўства, фатаграфія, аўтасэрвіс. Маладыя людзі праяўлялі павышаную цікавасць да педагагічных, медыцынскіх спецыяльнасцях, а таксама тым, што звязаны з IT.
Асноўная частка ўступнай кампаніі ў сярэднія спецыяльныя навучальныя ўстановы завяршылася 17 жніўня. З 1 кастрычніка па 30 лістапада будуць прымаць дакументы на сельскагаспадарчыя спецыяльнасці, а таксама на завочнае аддзяленне. Па 15 кастрычніка прадаўжаецца прыём замежных грамадзян.-0-
