23 жніўня, Мінск /Кар. БЕЛТА/. Некаторыя віды цыгарэт падаражэюць у Беларусі з 1 верасня, паведамілі карэспандэнту БЕЛТА ў прэс-службе Міністэрства па падатках і зборах.
Падаражэнне закране прадукцыю ААТ "Гродзенская тытунёвая фабрыка "Нёман". Так, некаторыя віды цыгарэт Pall Mall стануць даражэйшыя на 5 капеек.
Стане даражэйшай і прадукцыя ТАА "Тытунь-Інвест". Напрыклад, цыгарэты LD Red і LD Blue таксама вырастуць у цане на 5 капеек.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.-0-