26 верасня, Мінск /Кар. БЕЛТА/. Некаторыя віды цыгарэт падаражэюць у Беларусі з 1 кастрычніка, паведамілі карэспандэнту БЕЛТА ў прэс-службе Міністэрства па падатках і зборах.
Падаражанне закране прадукцыю ААТ "Гродзенская тытунёвая фабрыка "Нёман". Так, некаторыя віды цыгарэт Pall Mall стануць даражэйшыя на 5 капеек, на такую ж суму падаражэюць асобныя цыгарэты Kent. На 15 капеек будуць каштаваць больш некаторыя віды цыгарэт Luckies і Vogue.
Вырастуць цэны і на імпартныя цыгарэты. Так, некаторыя віды Dunhill стануць даражэйшыя на 5 капеек, Davidoff - на 10 капеек.
Беларускія вытворцы і імпарцёры цыгарэт маюць права штомесяц дэклараваць максімальныя рознічныя цэны на тытунёвыя вырабы.-0-