28 чэрвеня, Мінск /Кар. БЕЛТА/. Навальніцы, шквалісты вецер і да 32 градусаў цяпла чакаецца ў Беларусі 29 чэрвеня, паведаміў карэспандэнту БЕЛТА начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.
"Атмасферныя франты з навальніцамі, шкваламі і ліўнямі будуць перамяшчацца па Беларусі, следам за імі будзе паступаць вельмі цёплая паветраная маса з паўднёвага захаду Еўропы. Першымі пад удар трапілі паўднёва-заходнія рэгіёны краіны, дзе адзначаюцца моцныя ліўні і навальніцы (у Брэсце 43 мм ападкаў, у Высокім 29 мм)", - адзначыў сіноптык.
У чацвер, 29 чэрвеня, на большай частцы тэрыторыі пройдуць дажджы, навальніцы, у асобных раёнах чакаецца град і моцныя ліўні, пры навальніцах месцамі шквалістае ўзмацненне ветру парывамі да 15-20 м/с. У сувязі з гэтым сіноптыкі аб'яўляюць аранжавы ўзровень небяспекі. Тэмпература ноччу складзе 14-20 градусаў вышэй за нуль, днём будзе 28-34 градусы цяпла, па поўдні месцамі прагназуецца плюс 35-36. У Мінску таксама пройдуць дажджы (верагоднасць ападкаў 90-95 працэнтаў), будуць навальніцы (верагоднасць 80-90 працэнтаў). Вецер - паўночна-ўсходні, паўднёвы 5-10 м/с, парывы да 14 м/с, пры навальніцах месцамі па горадзе шквалістае ўзмацненне ветру парывамі да 15-20 м/с. Тэмпература ноччу складзе 16-18 градусаў вышэй за нуль, днём будзе 30-32 градусы цяпла.
У пятніцу, 30 чэрвеня, на большай частцы тэрыторыі краіны чакаюцца кароткачасовыя дажджы, у асобных раёнах - моцныя дажджы, навальніцы. Пры навальніцах магчыма ўзмацненне ветру парывамі да 15-20 м/с. Тэмпература ноччу складзе 16-22 градусы цяпла, днём будзе 21-28 градусаў вышэй за нуль, па паўднёвым усходзе паветра прагрэецца да плюс 29-32.
У суботу, 1 ліпеня, ноччу ў асобных раёнах, днём на большай частцы тэрыторыі краіны пройдуць кароткачасовыя дажджы. У асобных раёнах чакаюцца навальніцы, узмацненне ветру парывамі да 15-20 м/с. Тэмпература паветра ноччу складзе 13-19 градусаў вышэй за нуль, днём будзе 19-26 градусаў цяпла, па паўднёвым усходзе ў асобных раёнах прагназуецца да плюс 28.
У нядзелю, 2 ліпеня, ноччу ў асобных раёнах, днём на большай частцы тэрыторыі пройдуць кароткачасовыя дажджы, у асобных раёнах магчымы навальніцы. Тэмпература паветра ноччу складзе 12-19 градусаў вышэй за нуль, днём будзе 18-25 градусаў цяпла, па паўднёвым усходзе паветра прагрэецца да плюс 27.-0-
