20 чэрвеня, Мінск /Кар. БЕЛТА/. Навальніцы і шквалісты вецер чакаюцца ў асобных раёнах Беларусі 21 чэрвеня, паведамілі БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Ноччу па ўсходняй палавіне, днём пераважна па паўночнай палавіне краіны пройдуць кароткачасовыя дажджы, у асобных раёнах магчымы навальніцы. Вецер чакаецца паўночна-заходні 5-10 м/с, месцамі парывы - да 15-20 м/с.
Тэмпература паветра ўначы складзе 9-15 градусаў вышэй за нуль, удзень 18-23 градусы. У паўднёвых раёнах паветра прагрэецца да плюс 26 градусаў.-0-