Мабільная версія
ДЗЯРЖОРГАНЫ
Апошнія навіны
Усе навіны

Нарышкін: перад Беларуссю і Расіяй стаяць агульныя пагрозы, і пераадольваць іх трэба разам

Грамадства 17.10.2017 | 13:03
Сяргей Нарышкін
Сяргей Нарышкін

17 кастрычніка, Мінск /Міхаіл Маціеўскі - БЕЛТА/. Перад Беларуссю і Расіяй стаяць агульныя пагрозы, і пераадольваць іх трэба разам. Аб гэтым заявіў сёння журналістам дырэктар Службы знешняй разведкі (СЗР) Расіі Сяргей Нарышкін пасля сустрэчы з Прэзідэнтам Беларусі Аляксандрам Лукашэнкам, перадае карэспандэнт БЕЛТА.

Сяргей Нарышкін расказаў, што на сустрэчы з кіраўніком дзяржавы абмяркоўваліся пытанні ўзаемадзеяння КДБ Беларусі і СЗР Расіі. "Мы працуем у атмасферы даверу, раўнапраўя і ўзаемнай зацікаўленасці. Мы саюзнікі і проста абавязаны працаваць разам", - падкрэсліў Сяргей Нарышкін.

Паводле слоў дырэктара СЗР, прэзідэнты дзвюх дзяржаў падтрымліваюць такое самае цеснае супрацоўніцтва спецслужбаў. "Перад нашымі краінамі стаяць агульныя пагрозы: міжнародны тэрарызм, кіберзлачыннасць, інфармацыйныя пагрозы, неправавы санкцыйны рэжым. Пераадольваць гэтыя пагрозы лягчэй разам, чым мы і займаемся", - канстатаваў ён.

Кіраўнік Службы знешняй разведкі дадаў, што сёння ў Мінску праходзіць сумеснае пасяджэнне калегій КДБ і СЗР. "Гэта ўнікальны фармат узаемадзеяння дзвюх спецслужбаў нашых дзяржаў. Такога органа ў Расіі няма ні з адной іншай краінай, спецслужбай. Гэта сведчыць аб давернасці адносін", - падкрэсліў ён.

Сяргей Нарышкін у цэлым адзначыў, што міжнародная абстаноўка развіваецца дынамічна і пастаянна ўскладняецца, што ў той ці іншай ступені ўплывае на сітуацыю ў Беларусі і Расіі. "Ёсць шэраг крызісных з'яў у адной і другой частцы нашай планеты, перш за ўсё крызісы на Блізкім Усходзе, у Паўночнай Афрыцы. Гэта, вядома, дзейнічае і на нас, абавязвае яшчэ больш цесна працаваць і ўзаемадзейнічаць разам", - сказаў дырэктар СЗР.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Дэкрэт "Аб развіцці прадпрымальніцтва" Прэзідэнт Беларусі Аляксандр Лукашэнка 23 лістапада падпісаў дэкрэт №7 "Аб развіцці прадпрымальніцтва", які з'яўляецца ключавым дакументам з пакета нарматыўных прававых актаў па паляпшэнні бізнес-клімату ў краіне.