Мабільная версія
ДЗЯРЖОРГАНЫ
Апошнія навіны
Усе навіны

На ўнясенне ў спісы беларускіх "гора-балельшчыкаў" прэтэндуюць 130 чалавек

Грамадства 19.04.2017 | 17:23

19 красавіка, Мінск /Кар. БЕЛТА/. На ўнясенне ў спісы "гора-балельшчыкаў" у Беларусі прэтэндуюць 130 чалавек. Аб гэтым паведаміў сёння ў Палаце прадстаўнікоў намеснік міністра ўнутраных спраў Мікалай Мельчанка, адказваючы на пытанне дэпутата Аксаны Няхайчык, перадае карэспандэнт БЕЛТА.

"Актыўных балельшчыкаў у нас 3,5 тыс. У прыватнасці, гэта датычыцца менавіта футбольных балельшчыкаў, таму што яны, як правіла, ствараюць нам больш за ўсё праблем", - заўважыў Мікалай Мельчанка.

У той жа час колькасць заўважаных у проціпраўных дзеяннях балельшчыкаў цяпер складае 130 чалавек, больш за ўсё іх у Мінску, затым па колькасці "гора-балельшчыкаў" ідзе Мінская вобласць. "Але іх аналіз і ўлік будзе весціся толькі пасля прыняцця адпаведных змяненняў у закон", - удакладніў намеснік міністра ўнутраных спраў.

Сёння на пасяджэнні дэпутаты Палаты прадстаўнікоў прынялі ў першым чытанні папраўкі ў некаторыя законы Беларусі па пытаннях аховы грамадскага парадку і забеспячэння грамадскай бяспекі пры правядзенні спартыўна-масавых і спартыўных спаборніцтваў. Праект закона дапаўняе Кодэкс аб адміністрацыйных правапарушэннях новым відам спагнання - часовай забаронай на наведванне стадыёнаў для балельшчыкаў, якія раней учынілі адміністрацыйнае правапарушэнне ў час спаборніцтваў. Такое пакаранне пагражае, напрыклад, за хуліганства, прычыненне цялесных пашкоджанняў. Тэрмін дзеяння забароны можа скласці ад трох месяцаў да трох гадоў.

Акрамя таго, мяркуецца, што будзе сфарміраваны і апублікаваны ў адкрытым доступе ў інтэрнэце спіс фанатаў-хуліганаў.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Сельская гаспадарка Беларусі На пачатак 2017 года ў Беларусі налічвалася 8 428,7 тыс. га сельскагаспадарчых зямель, што складае каля 40% ад усіх тэрыторый рэспублікі і супастаўна з плошчай Аўстрыі.