Мабільная версія
ДЗЯРЖОРГАНЫ
Апошнія навіны
Усе навіны

На "ТІБО-2018" павінны быць прадстаўлены ўсе галіны эканомікі - Калінін

Грамадства 13.02.2018 | 10:21
Фота з архіва
Фота з архіва

13 лютага, Мінск /Кар. БЕЛТА/. На XXV Міжнародным форуме па інфармацыйна-камунікацыйных тэхналогіях "ТІБО-2018" павінны быць прадстаўлены ўсе галіны эканомікі. На гэта звярнуў увагу намеснік прэм'ер-міністра Беларусі Анатоль Калінін у час другога пасяджэння аргкамітэта для падрыхтоўкі і правядзення форуму, паведамляе БЕЛТА са спасылкай на прэс-службу ўрада.

На форуме павінны быць прадстаўлены ўсе галіны эканомікі, адзначаны дасягненні і вызначаны шляхі далейшага развіцця, сказаў Анатоль Калінін. Агульную каардынацыю даручана ажыццяўляць Міністэрству сувязі і інфарматызацыі.

Віцэ-прэм'ер даручыў забяспечыць скаардынаваную работу па своечасовым і якасным фарміраванні экспазіцыі і дзелавой праграмы юбілейнага 25-га форуму "ТІБО".

У час дзелавой праграмы форуму неабходна дэталёва вывучыць лепшыя сусветныя практыкі лічбавага развіцця як сістэмы дзяржаўнага кіравання, так і розных галін эканомікі і сацыяльнай сферы, правесці іх параўнальны аналіз з бягучай сітуацыяй у Беларусі, вызначыць прыярытэтныя крокі далейшай работы па лічбавізацыі эканомікі, падкрэсліў Анатоль Калінін.

Намеснік прэм'ер-міністра паставіў задачу асаблівую ўвагу пры падрыхтоўцы форуму ўдзяліць фарміраванню яго мэтавай аўдыторыі, папулярызацыі ІТ-тэхналогій сярод моладзі, а таксама ўключэнню ў працэсы лічбавай трансфармацыі асоб з абмежаванымі магчымасцямі, пажылых людзей і іншых катэгорый грамадзян.

Форум "ТІБО-2018" адбудзецца з 14 па 18 мая ў Мінску.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Цукровая галіна Беларусі Валавы збор цукровых буракоў у 2017 годзе: Брэсцкая вобласць - 914 тыс. т (ураджайнасць - 441 ц/га); Гродзенская - 1 807,3 тыс. т (531 ц/га); Мінская - 1 971,3 тыс. т (508 ц/га); Магілёўская - 234,7 тыс. т (368 ц/га).