20 верасня, Мінск /Кар. БЕЛТА/. Міністэрства па падатках і зборах вынесла на грамадскае абмеркаванне праект закона "Аб унясенні змяненняў у некаторыя кодэксы Рэспублікі Беларусь", паведамілі БЕЛТА ў МПЗ.
Праект закона распрацаваны для выканання ўказа ад 7 жніўня 2018 года нумар 305 "Аб удасканаленні прававога рэгулявання ігральнага бізнесу". Указам нумар 305 уводзіцца новая тэрміналогія і новы паняційны апарат, у тым ліку ў сувязі з легалізацыяй такога новага віду дзейнасці ў сферы ігральнага бізнесу, як утрыманне віртуальнай ігральнай установы (анлайн-казіно). Так, з 1 красавіка 2019 года (дата ўступлення ў сілу асноўных палажэнняў указа нумар 305) фізічныя асобы могуць абмяжоўвацца не толькі ў наведванні ігральных устаноў і ўдзеле ў азартных гульнях, але і ў наведванні віртуальных ігральных устаноў.
З улікам гэтага праектам закона прадугледжана ўнясенне адпаведных карэкціровак у нормы Грамадзянскага працэсуальнага кодэкса і Гаспадарчага працэсуальнага кодэкса, якія датычацца пытанняў абмежавання фізічных асоб у наведванні ігральных устаноў і ўдзеле ў азартных гульнях.
Больш падрабязна з праектам закона можна азнаёміцца на афіцыйным сайце МПЗ у раздзеле "Грамадскае абмеркаванне законапраектаў".
Прапановы па праекце будуць прымацца па 21 верасня на электронную скрыню uklib@nalog.gov.by.-0-
