7 снежня, Мінск /Кар. БЕЛТА/. Да 6 градусаў вышэй за нуль і мокры снег чакаюцца ў Беларусі 8 снежня, паведамілі карэспандэнту БЕЛТА ў Рэспубліканскім цэнтры па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.
Будзе воблачна з праясненнямі. Ноччу на большай частцы тэрыторыі, днём пераважна па паўночным захадзе Беларусі прагназуюцца ападкі (мокры снег, дождж). У некаторых раёнах магчымы туман, галалёд, на дарогах - галалёдзіца. Вецер чакаецца паўднёвы, паўднёва-заходні 5-10 м/с, парывы да 14 м/с.
Тэмпература паветра ноччу складзе ад мінус 5 да плюс 1. Днём будзе ад нуля да плюс 6 градусаў.-0-