Мабільная версія
ДЗЯРЖОРГАНЫ
Апошнія навіны
Усе навіны

Мітрапаліт Павел: беларускі народ робіць усё для падтрымання згоды і ўзаемаразумення ў краіне

Грамадства 16.03.2018 | 09:30
Мітрапаліт Павел (у цэнтры)
Мітрапаліт Павел (у цэнтры)

16 сакавіка, Мінск /Кар. БЕЛТА/. Народ Беларусі робіць усё для падтрымання згоды і ўзаемаразумення ў сваёй краіне. Аб гэтым 15 сакавіка заявіў Мітрапаліт Мінскі і Заслаўскі Павел, Патрыяршы Экзарх усяе Беларусі ў час святкавання Дня праваслаўнай кнігі ў Духоўна-адукацыйным цэнтры ў Мінску, перадае карэспандэнт БЕЛТА.

Мітрапаліт падкрэсліў, што беларускі народ мае вопыт страшных ваенных ліхалеццяў. "Беларусы ведаюць цану міру і таму робяць усё магчымае, каб на гэтай блаславеннай зямлі панавалі мір, згода і ўзаемаразуменне", - сказаў ён.

Уладыка таксама адзначыў, што Беларусь мае багатую духоўную культуру, папулярызацыі і развіцці якой садзейнічае ў тым ліку правядзенне дзён праваслаўнай кнігі.

Серыя тэматычных мерапрыемстваў адбылася 15 сакавіка ў Духоўна-адукацыйным цэнтры Беларускай праваслаўнай царквы. Для наведвальнікаў урачыстасці арганізавалі экскурсіі ў Царкоўна-гістарычны музей Беларускай праваслаўнай царквы пры Мінскай духоўнай акадэміі. Увазе гасцей прадставілі экспазіцыі кніг беларускіх праваслаўных выдавецтваў. Таксама ў гэты дзень прайшлі сустрэчы з праваслаўнымі паэтамі і пісьменнікамі - аўтарамі новых кніг, якія выйшлі ў выдавецтвах Беларускага экзархата.

Мерапрыемствы, прысвечаныя праваслаўнай кнізе, пройдуць у сакавіку ва ўсіх епархіях Беларускага экзархата, у публічных і царкоўных бібліятэках, сярэдніх і вышэйшых навучальных установах, а таксама духоўных школах БПЦ.

Арганізатарамі Дня праваслаўнай кнігі выступаюць выдавецкі савет БПЦ, Мінская духоўная акадэмія, Свята-Елісавецінскі манастыр, Мінкультуры і Мінадукацыі Беларусі.-0-

Фота Генадзя Жынкова

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Насельніцтва Беларусі Колькасць насельніцтва Беларусі на 1 красавіка склала 9 484,3 тыс. чалавек і ў параўнанні з пачаткам 2018 года скарацілася на 7,5 тыс. У першым квартале ў рэспубліцы нарадзіліся 23 536 дзяцей, што на 1 640 дзяцейменш, чым за той жа перыяд 2017 года.