22 жніўня, Мінск /Кар. БЕЛТА/. Міністэрства жыллёва-камунальнай гаспадаркі прапануе ўстанавіць залежнасць тарыфу па абыходжанні з цвёрдымі камунальнымі адходамі ад колькасці чалавек, прапісаных у кватэры (або доме), паведамляе БЕЛТА са спасылкай на Партал камунальнай дасведчанасці насельніцтва.
Адпаведныя змяненні падрыхтаваны ў дзеючыя заканадаўчыя акты. Новы падыход да фарміравання тарыфу па абыходжанні з ЦКА, паводле слоў спецыяліста міністэрства, дасць магчымасць выключыць магчымасць суб'ектыўнага ўстанаўлення нарматыву ўтварэння ЦКА, зробіць зразумелай налічэнне платы, а таксама стане стымулам для арганізацый ЖКГ да зніжэння затрат.
Таксама прадуманы механізм аказання гэтага віду паслугі на больш якасным узроўні. Гэты механізм уключае ў сябе распрацоўку мясцовымі органамі ўлады схем па абыходжанні з ЦКА, што прадугледжваюць у тым ліку перспектыўныя напрамкі развіцця гэтай сферы, а таксама пераход да дыферэнцыраванай аплаты за гэту паслугу ў залежнасці ад якасці яе аказання (у прыватнасці, наяўнасці смеццеправода, перыядычнасці вывазу ЦКА, наяўнасці кантэйнераў для раздзельнага збору адходаў або падваровага аб'езду). Мяркуецца, што тарыф для дамоў, дзе наладжаны раздзельны збор адходаў, будзе ніжэйшы, чым для тых, дзе ўсе адходы скідваюцца ў агульны смеццеправод.
Цяпер для вызначэння колькасці смецця вкарыстоўваецца нарматыў утварэння цвёрдых камунальных адходаў, які ўстанаўліваецца асобна ў кожным раёне і кожным буйным горадзе. Кошт вывазу, абясшкоджвання і перапрацоўкі цвёрдых камунальных адходаў залежыць ад тарыфу на абыходжанне з цвёрдымі камунальнымі адходамі, нарматыву ўтварэння цвёрдых камунальных адходаў і колькасці пражываючых.-0-
