Мабільная версія
ДЗЯРЖОРГАНЫ
Апошнія навіны
Усе навіны

Мінск 25 сакавіка далучыцца да акцыі "Гадзіна Зямлі"

Грамадства 17.03.2017 | 11:54
Фота з архіва
Фота з архіва

17 сакавіка, Мінск /Кар. БЕЛТА/. Мінск 25 сакавіка далучыцца да акцыі "Гадзіна Зямлі", паведамілі БЕЛТА ў Мінскім гарадскім камітэце прыродных рэсурсаў і аховы навакольнага асяроддзя.

Мінчан у гэты дзень заклікаюць выключыць святло з 20.30 да 21.30, застануцца без архітэктурнай падсветкі жылыя дамы, будынкі, помнікі архітэктуры.

Гадзіна Зямлі - міжнародная экалагічная акцыя, у час якой усіх заклікаюць выключыць святло на адну гадзіну ў знак неабыякавасці да будучыні планеты. Яе мэта не ў тым, каб сэканоміць электрычнасць, галоўнае - прыцягнуць увагу да неабходнасці адказнага стаўлення да прыроды.

Ініцыятыву падтрымліваюць больш за 2 млрд чалавек па ўсім свеце, больш за 170 краін і каля 7 тыс. гарадоў. Людзі самі вырашаюць, якімі электрычнымі прыборамі не будуць карыстацца і як доўга, а гарадскія ўлады ініцыіруюць выключэнне падсветкі гарадскіх аб'ектаў. Разам з тым у мэтах бяспекі не рэкамендуецца адключаць вулічнае асвятленне, аэранавігацыйныя агні і святлафоры.

"Само па сабе гадзіннае адключэнне святла не можа прыкметна палепшыць экалагічную сітуацыю, але акцыя дапаможа зразумець, што эканомія электраэнергіі дазваляе знізіць шкодныя выкіды ў атмасферу і дае магчымасць кожнаму неабыякаваму чалавеку ўнесці свой уклад у захаванне здароўя планеты", - адзначылі ў камітэце.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Збіраем дзіця ў лагер Больш за 350 тыс. дзяцей ва ўзросце ад 6 да 18 гадоў адпачнуць гэтым летам у аздараўленчых лагерах Беларусі.