Мабільная версія
ДЗЯРЖОРГАНЫ
Апошнія навіны
Усе навіны

Мінпрыроды заклікае прыняць удзел у акцыі "Гадзіна Зямлі"

Грамадства 20.03.2017 | 14:58

20 сакавіка, Мінск /Кар. БЕЛТА/. Міністэрства прыродных рэсурсаў і аховы навакольнага асяроддзя заклікае прыняць удзел у акцыі "Гадзіна Зямлі" 25 сакавіка. Такая інфармацыя размешчана на сайце міністэрства, паведамляе БЕЛТА.

Мінпрыроды заклікае ўсіх прыняць удзел у акцыі і адключыць святло 25 сакавіка на адну гадзіну з 20.30 да 21.30. Экалагічная акцыя "Гадзіна Зямлі" пройдзе ва ўсім свеце ўжо 10-ы раз. Лозунг акцыі ў 2017 годзе - "Мяняй сябе, а не планету", а яе тэмай стане адказнае стаўленне чалавека да прыроды. Акцыя накіравана на прыцягненне ўвагі людзей да праблемы глабальнага пацяплення і заклікае заставацца неабыякавымі да будучыні планеты.

Беларусь з'яўляецца актыўным удзельнікам акцыі. У 2016 годзе "Гадзіна Зямлі" прайшла ў Мінску, Віцебску, Гродне, Гомелі, Брэсце, Баранавічах, Пінску, Браславе, Чавусах, дзе на адну гадзіну патухла падсветка адміністрацыйных будынкаў, гандлёвых цэнтраў, а таксама прайшлі канцэрты, лекцыі, велапрабег, выступілі тэатры ценяў. У Мінску на адну гадзіну патухла падсветка праспектаў Незалежнасці і Пераможцаў, агні Нацыянальнай бібліятэкі, падсветка на будынках гандлёвых цэнтраў, універсітэтаў і кафэ.

Акцыя "Гадзіна Зямлі" - штогадовая міжнародная падзея, арганізатарам якой выступае Сусветны фонд дзікай прыроды (WWF). Акцыя праводзіцца ў апошнюю суботу сакавіка з заклікам выключыць святло і іншыя не жыццёва важныя электрапрыборы (акрамя ліфтаў) на адну гадзіну, каб стымуляваць цікавасць да праблемы змянення клімату, энергетычнага аб'яднання чалавецтва.

Упершыню гэта мерапрыемства было арганізавана Сусветным фондам дзікай прыроды ў Аўстраліі сумесна з выданнем The Sydney Morning Herald у 2007 годзе, ужо на наступны год атрымала сусветную падтрымку, а ў 2009-м ужо стала самай масавай акцыяй у гісторыі чалавецтва - паводле ацэнак WWF, акцыя закранула больш за мільярд жыхароў планеты.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Беларусь - Украіна: гандлёва-эканамічнае супрацоўніцтва Тавараабарот Беларусі з Украінай па выніках 2016 года павялічыўся на 10,5%, экспарт - на 13,2%, імпарт - на 3,2%. Сальда дадатнае - $1,87 млрд