Мабільная версія
ДЗЯРЖОРГАНЫ
Апошнія навіны
Усе навіны

Мінпрыроды прадаўжае работу па арганізацыі бязвізавага рэжыму ў трох трансгранічных зонах экатурызму

Грамадства 28.03.2017 | 18:15

28 сакавіка, Мінск /Кар. БЕЛТА/. Міністэрства прыродных рэсурсаў і аховы навакольнага асяроддзя Беларусі прадаўжае работу па арганізацыі бязвізавага рэжыму на трох трансгранічных асабліва ахоўных тэрыторыях, паведаміў сёння журналістам начальнік упраўлення біялагічнай і ландшафтнай разнастайнасці Мінпрыроды Мікалай Свідзінскі, перадае карэспандэнт БЕЛТА.

Каменціруючы інфармацыю аб тым, што летам 2016 года прыродаахоўнае ведамства прапаноўвала зрабіць бязвізавымі тры асабліва ахоўныя тэрыторыі ўздоўж заходняй граніцы краіны, Мікалай Свідзінскі адзначыў, што перагаворы з краінамі-суседкамі наконт гэтага вядуцца. У прыватнасці, размова ішла аб зонах "Котра - Чапкеляй", "Рычы - Сіленэ" і "Браслаўскія азёры - Аўгшдаўгава". "Пытанне прапрацоўваецца. Планы сумеснай работы па гэтых тэрыторыях накіраваны нашым суседзям", - растлумачыў ён.

Прадстаўнік Мінпрыроды падкрэсліў, што трансгранічнае супрацоўніцтва прадугледжвае перасячэнне граніцы без дадатковых складанасцей. "Калі нашы заказнікі прымыкаюць непасрэдна адзін да аднаго, то бязвізавы рэжым для турыстаў патрэбны. Упэўнены, што людзі, якія прыехалі паглядзець, напрыклад, "Чапкеляй" у Літве, хацелі б паглядзець яго працяг і ў Беларусі", - заявіў ён.

Мікалай Свідзінскі нагадаў, што цяпер бязвізавы рэжым дзейнічае ў Белавежскай пушчы - турысты, якія прыехалі ў польскую частку знакамітай пушчы, могуць тры дні знаходзіцца і на беларускай тэрыторыі. Акрамя таго, з'явілася магчымасць наведаць Беларусь без візы праз Нацыянальны аэрапорт Мінск. "Хочацца адзначыць, што колькасць турыстаў, якія наведалі выдатныя куткі нашай прыроды, павялічылася ўжо ў 2016 годзе на 30 працэнтаў у параўнанні з 2015 годам", - паведаміў ён.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Зарплата ў жніўні Белстат апублікаваў даныя аб намінальнай налічанай сярэдняй заработнай плаце работнікаў у жніўні 2017 года па асобных відах эканамічнай дзейнасці.