8 снежня, Мінск /Кар. БЕЛТА/. Міністэрства працы і сацабароны прапануе разгледзець магчымасць пераразліку дапамог па доглядзе дзіцяці да трох гадоў не штоквартальна, а адзін раз у год. Аб гэтым заявіў журналістам першы намеснік міністра працы і сацыяльнай абароны Андрэй Лабовіч перад пашыраным пасяджэннем Пастаяннай камісіі Палаты прадстаўнікоў па ахове здароўя, фізічнай культуры, сямейнай і маладзёжнай палітыцы па праекце закона "Аб унясенні змяненняў і дапаўненняў у закон "Аб дзяржаўных дапамогах сем'ям, якія выхоўваюць дзяцей", перадае карэспандэнт БЕЛТА.
"Цяпер дапамога па доглядзе дзіцяці да трох гадоў пераглядаецца ў сувязі са змяненнем сярэдняй заработнай платы раз у квартал. Мы прапануем гэту норму выкласці ў іншай рэдакцыі: пераглядаць дапамогу адзін раз у год зыходзячы з сярэдняй заработнай платы за чацвёрты квартал, які мае самы максімальны памер у параўнанні з іншымі кварталамі, па стане на 1 лютага", - сказаў Андрэй Лабовіч.-0-
