14 жніўня, Мінск /Алена Прус - БЕЛТА/. Фінал рэспубліканскага конкурсу "Сям'я года" адбудзецца 27 кастрычніка. Аб гэтым паведаміла на прэс-канферэнцыі намеснік начальніка аддзела народанасельніцтва, гендарнай і сямейнай палітыкі Міністэрства працы і сацыяльнай абароны Марына Арцёменка, перадае карэспандэнт БЕЛТА.
Створаны арганізацыйны камітэт па правядзенні конкурсу на чале з намеснікам прэм'ер-міністра Васілём Жарко. Зацверджаны план мерапрыемстваў.
Паводле слоў Марыны Арцёменка, рэгіянальныя конкурсы прайшлі па ўсёй краіне. У фінале прымуць удзел сем сем'яў ад кожнага рэгіёна. Заяўкі павінны паступіць у міністэрства да 5 верасня.
Конкурс нацэлены на павышэнне прэстыжу інстытута сям'і, умацаванне сямейных каштоўнасцей. Першы рэспубліканскі конкурс "Сям'я года" адбыўся ў 2012 годзе.-0-