Мабільная версія
ДЗЯРЖОРГАНЫ
Апошнія навіны
ІНФАГРАФІКА: "Тыдзень лесу - 2017"
Учора 16:14 Стужка навiн
Усе навіны

Мінпрацы да канца года выпрацуе падыходы па абавязковым сацыяльным водпуску для бацькаў

Грамадства 20.03.2017 | 10:46

20 сакавіка, Мінск /Кар. БЕЛТА/. Міністэрства працы і сацыяльнай абароны да канца бягучага года выпрацуе падыходы па ўкараненні абавязковага сацыяльнага водпуску для бацькаў. Аб гэтым заявіла міністр працы і сацыяльнай абароны Ірына Касцевіч у эфіры тэлеканала "Беларусь 1", паведамляе БЕЛТА.

Сёння па працоўным кодэксе бацька мае права на сацыяльны водпуск па доглядзе дзіцяці, але наймальнік вырашае даць яго ці не. "Мы гаворым, што гэты водпуск, хутчэй за ўсё, павінен быць абавязковым. Пытанне ў тым, ці будзе ён аплатным за кошт наймальніка або сацыяльнага страхавання. Гэтыя падыходы мы павінны напрацаваць за бягучы год і прыняць рашэнне", - сказала міністр.

Паводле яе слоў, прадастаўленне сацыяльнага водпуску для бацькаў - правільны напрамак. Перш за ўсё вельмі важна, каб з першых дзён жыцця дзіцяці бацька быў побач. У рэспубліцы зацверджана дзяржаўная праграма па здароўі насельніцтва і дэмаграфічнай бяспецы, у ёй ёсць падпраграма "Сям'я і дзяцінства", у якой якраз і закладзены пункт для прапрацоўкі падыходаў па ўкараненні абавязковага сацыяльнага водпуску для бацькі, дадала Ірына Касцевіч.

Цяпер амаль 25 краін свету працуюць з такімі водпускамі. У Швецыі і Фінляндыі амаль 70 працэнтаў бацькаў скарысталіся такой магчымасцю. "На мой погляд, гэта толькі ўмацуе сям'ю", - заўважыла кіраўнік ведамства.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

"Тыдзень лесу - 2017" Акцыя "Тыдзень лесу" пройдзе ў Беларусі з 1 па 8 красавіка па ініцыятыве Міністэрства лясной гаспадаркі. У 2017 годзе яна прысвечана аднаўленню лясоў, пашкоджаных стыхійнымі бедствамі.