2 кастрычніка, Мінск /Кар. БЕЛТА/. Міністэрства аховы здароўя адпрацоўвае механізмы па мінімізацыі карупцыйных рызык у галіне, паведаміў журналістам міністр аховы здароўя Беларусі Валерый Малашка, перадае карэспандэнт БЕЛТА.
"Міністэрства аховы здароўя штодзень праводзіць антыкарупцыйную і прафілактычную работу. Мы адпрацоўваем рызыкі, каб яшчэ больш іх мінімізаваць", - сказаў Валерый Малашка. Ён удакладніў, што размова ідзе аб усіх узроўнях - ад урача, які выпісвае бальнічны, да чыноўніка, які прымае тыя ці іншыя кіраўніцкія рашэнні.
Наконт работы, што праводзіцца на гэтым этапе, міністр адзначыў: "Праведзены падбор кадраў. Мяняем у цэлым структуру закупак - і лекавых прэпаратаў, вырабаў медыцынскай тэхнікі". У гэтым плане Міністэрства аховы здароўя актыўна працуе з МАРГ, Мінфінам, Мінэканомікі, каб выпрацаваць схему, якая дасць магчымасць мінімізаваць усе карупцыйныя рызыкі і зрабіць усю схему закупак больш празрыстай.-0-
