27 сакавіка, Мінск /Надзея Мацвеева - БЕЛТА/. Міні-кірмашы вакансій пройдуць у Мінску 29-30 сакавіка, паведамілі БЕЛТА ў камітэце па працы, занятасцi i сацыяльнай абароне Мінгарвыканкама.
Мерапрыемствы будуць праводзіцца на базе міжраённых аддзелаў працаўладкавання (МАП). Наведвальнікі змогуць сустрэцца непасрэдна з патэнцыяльным наймальнікам. Супрацоўнікі аддзелаў кадраў прадпрыемстваў раскажуць аб свабодных рабочых месцах, умовах працаўладкавання, аплаце працы.
Будзе прадстаўлена інфармацыя аб сітуацыі на рынку працы, наяўнасці свабодных рабочых месц у горадзе, аплатных грамадскіх работах. Акрамя таго, спецыялісты службы занятасці пракансультуюць па пытаннях працаўладкавання, рэгістрацыі грамадзян у якасці беспрацоўных, прафесійнага навучання, прадастаўлення субсідыі для арганізацыі прадпрымальніцкай дзейнасці і інш.
Так, 29 сакавіка з 10.00 да 12.00 у аддзеле працаўладкавання "Заводскі" шукаць супрацоўнікаў будуць прадпрыемствы "Мінскдрэў", Мінскі падшыпнікавы завод, КУП па абыходжанні з адходамі "Экарэс", у міжраённым аддзеле працаўладкавання "Першамайскі, Савецкі, Цэнтральны" - ААТ "Агат-электрамеханічны завод", УАЗ "Мінскі гарадскі анкалагічны дыспансер", УП "Мінгаз".
30 сакавіка міні-кірмашы вакансій пройдуць у аддзелах працаўладкавання "Фрунзенскі" (з 11.00 да 13.00 аб свабодных рабочых месцах раскажуць прадстаўнікі НВА "Цэнтр" і будаўнічае ўпраўленне нумар 256 ААТ "МАПІД") і "Ленінскі, Партызанскі" (з 10.00 да 12.00 тут будуць прадстаўлены Ленінскі аддзел Дэпартамента аховы МУС Беларусі, ААТ "Постгандаль", 2-я гарадская клінічная бальніца. Дзень прадпрыемства (ТАА "Еўрагандаль") адбудзецца з 9.00 да 10.30 у міжраённым аддзеле працаўладкавання "Маскоўскі, Кастрычніцкі".
Таксама штодзень (акрамя выхадных) з 9.00 да 15.00 ва ўпраўленні занятасці насельніцтва камітэта па тэлефоне 369-88-29 праходзіць гарачая лінія па пытаннях працаўладкавання, дзе грамадзяне могуць атрымаць інфармацыю аб вакансіях. Саіскальніку дапамогуць звязацца непасрэдна з работадаўцам і ўдакладніць атрыманую інфармацыю аб свабодных рабочых месцах або дамовіцца аб даце гутаркі.-0-
