25 ліпеня, Мінск /Юлія Огнева - БЕЛТА/. Мінскаму гарадскому выканаўчаму камітэту дэлегавана права на прыняцце рашэнняў аб змяненні індывідуальна арганізацыі або індывідуальнаму прадпрымальніку ўстаноўленага заканадаўствам тэрміну выплаты падаткаў, збораў (пошлін), пеняў, што поўнасцю выплачваюцца ў бюджэт горада Мінска. Гэта замацавана рашэннем Мінскага гарадскога Савета дэпутатаў ад 29 чэрвеня 2016 года нумар 205, якое апублікавана на Нацыянальным прававым інтэрнэт-партале.
Дакументам зацверджана адпаведная інструкцыя. У прыватнасці, там прапісана, што плацельшчык, які прэтэндуе на змяненне ўстаноўленага заканадаўствам тэрміну выплаты падаткаў, пеняў, што поўнасцю выплачваюцца ў мясцовы бюджэт, падае заяву аб прадастаўленні адтэрміноўкі з аднаразовай выплатай сум падаткаў, збораў (пошлін), пеняў і (або) растэрміноўкі з паэтапнай выплатай, падатковага крэдыту з аднаразовай або паэтапнай выплатай.
Зыходзячы з дакумента, адной з падстаў для змянення тэрміну выплаты падаткаў і збораў з'яўляецца від дзейнасці, што мае сезонны характар. Таксама адпаведнае рашэнне можа быць прынята, калі плацельшчыку быў нанесены ўрон у выніку стыхійнага бедства, тэхналагічнай катастрофы або іншых абставін неадольнай сілы.
Галоўнае фінансавае ўпраўленне Мінгарвыканкама на працягу пяці рабочых дзён пасля падрыхтоўкі заключэння аб мэтазгоднасці прадастаўлення адтэрміноўкі або растэрміноўкі, падатковага крэдыту рыхтуе адпаведны праект рашэння і накіроўвае яго на ўзгадненне ў іншыя структуры падраздзялення Мінгарвыканкама, інспекцыю Міністэрства па падатках і зборах па горадзе Мінску.
Калі прынята рашэнне аб немэтазгоднасці прадастаўлення адтэрміноўкі або растэрміноўкі, падатковага крэдыту, на працягу пяці рабочых дзён пасля падрыхтоўкі такога заключэння галоўнае фінансавае ўпраўленне Мінгарвыканкама інфармуе аб гэтым плацельшчыка.
Рашэнне ўступае ў сілу пасля яго афіцыйнага апублікавання.-0-
