Мабільная версія
ДЗЯРЖОРГАНЫ
Апошнія навіны
Усе навіны

Мінадукацыі: пытанне з няхваткай кадраў у дашкольных установах не стаіць

Грамадства 28.08.2017 | 14:58
Фота з архіва
Фота з архіва

28 жніўня, Мінск /Кар. БЕЛТА/. Усе ўстановы дашкольнай адукацыі Беларусі да 1 верасня будуць укамплектаваны кадрамі. Аб гэтым паведаміла журналістам начальнік аддзела дашкольнай адукацыі Міністэрства адукацыі Альбіна Давідовіч, перадае карэспандэнт БЕЛТА.

"Усе ўстановы дашкольнай і агульнай сярэдняй адукацыі да пачатку навучальнага года будуць укамплектаваны педагагічнымі кадрамі. Пытанне з няхваткай педагогаў у дашкольных установах не стаіць", - канстатавала Альбіна Давідовіч.

У новым навучальным годзе па ўсёй краіне будуць функцыянаваць 3817 устаноў дашкольнай адукацыі. Яны прымуць 424,6 тыс. выхаванцаў. Дашкольную адукацыю атрымліваюць 95,9 працэнта дзяцей ва ўзросце 3-6 гадоў, ва ўзросце 1-6 гадоў - 75,5 працэнта. "Усе дзеці 5-гадовага ўзросту будуць ахоплены падрыхтоўкай да навучання ў школе", - падкрэсліла начальнік аддзела.

У бягучым годзе сістэма дашкольнай адукацыі чакае папаўнення 16 новымі садамі. Ужо ўведзены ў эксплуатацыю 6 устаноў, да 1 верасня чакаецца яшчэ 6 новабудоўляў. "Пасля пачатку навучальнага года будуць пабудаваны і ўведзены ў эксплуатацыю 4 установы дашкольнай адукацыі. Будаўніцтва ажыццяўлялася ў самых запатрабаваных рэгіёнах: Гродзенская, Брэсцкая, Мінская, Гомельская, Магілёўская вобласці, у асноўным у буйных абласных цэнтрах. Аднак шэраг устаноў з'явіліся і ў сельскай мясцовасці. Прынятыя меры дадуць нам магчымасць захаваць даступнасць школьнай адукацыі і выканаць мерапрыемствы па забеспячэнні крокавай даступнасці", - рэзюмавала Альбіна Давідовіч.-0-

Версія для друку
Навіны рубрыкі Грамадства
Топ-навіны
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Пробны перапіс насельніцтва У Маладзечанскім раёне Мінскай вобласці 2-13 кастрычніка пройдзе пробны перапіс насельніцтва, які стане падрыхтоўчым этапам перапісу насельніцтва Беларусі 2019 года. Прайсці апытанне можна дома і на стацыянарных участках.