19 студзеня, Мінск /Кар. БЕЛТА/. У суботу, 21 студзеня, паязды па абедзвюх лініях метро будуць хадзіць па графіку звычайнага рабочага дня, паведамілі БЕЛТА на КУП "Мінскі метрапалітэн".
Паязды ў Мінскім метрапалітэне будуць хадзіць на абедзвюх лініях з інтэрвалам ад дзвюх хвілін у самыя напружаныя гадзіны з 7.00 да 8.00 (па лініі "Малінаўка - Уручча" да 9.00), а таксама з 17.00 да 19.00. Першыя саставы пачнуць работу з 5.30. Прадоўжаць курсіраваць паязды да 1.30, што адпавядае графіку звычайнага рабочага дня.-0-