Мабільная версія
ДЗЯРЖОРГАНЫ
Апошнія навіны
Усе навіны

Мемарыяльны комплекс "Хатынь" плануецца ўключаць у абавязковыя турыстычныя маршруты

Грамадства 19.03.2018 | 15:24

19 сакавіка, Мінск /Кар. БЕЛТА/. Мемарыяльны комплекс "Хатынь" плануецца ўключаць у абавязковыя турыстычныя маршруты. Аб гэтым паведаміла журналістам намеснік начальніка галоўнага ўпраўлення культуры і аналітычнай работы - начальнік упраўлення культуры і народнай творчасці Міністэрства культуры Беларусі Наталля Задзяркоўская, перадае карэспандэнт БЕЛТА.

Распрацаваны рэспубліканскі план памятных мерапрыемстваў у сувязі з 75-годдзем трагедыі Хатыні. Асобны яго пункт прысвечаны арганізацыі наведвання мемарыяльнага комплексу і іншых памятных мясцін, вядзецца работа па абавязковым уключэнні яго ў турыстычныя маршруты.

Да памятнай даты ўстановы культуры, адукацыі, Нацыянальная акадэмія навук правядуць на працягу года шэраг мерапрыемстваў. У прыватнасці, НАН Беларусі сумесна з Міністэрствам спорту і турызму запланаваны адукацыйны семінар для экскурсаводаў, гідаў, перакладчыкаў, усіх тых, хто праводзіць экскурсіі па памятных мясцінах.

Наталля Задзяркоўская таксама анансавала бліжэйшыя праекты. У Нацыянальнай бібліятэцы Беларусі 22 сакавіка адкрыецца выстаўка "Хатынская трагедыя - 75 гадоў болю, смутку і памяці". Пройдзе некалькі значных навуковых мерапрыемстваў, якія правядуць Нацыянальная акадэмія навук, Беларускі дзяржаўны музей гісторыі вайны, мемарыяльны комплекс "Хатынь". Так, 20-22 сакавіка адбудзецца міжнародны сімпозіум, а 22-23 сакавіка - міжнародная канферэнцыя ў Беларускім дзяржаўным музеі гісторыі Вялікай Айчыннай вайны на гэту тэму.

Беларускі рэспубліканскі саюз моладзі праводзіць акцыю "Моладзь памятае", мэта якой - добраўпарадкаванне мемарыяльнага комплексу "Хатынь".

Мінадукацыі праводзіць папярэднія этапы, а ў красавіку-маі падвядзе вынікі школьных сачыненняў "Дарогамі памяці". Таксама ў беларускіх школах праходзяць конкурсы малюнкаў і плакатаў "Тут гавораць адны толькі камяні" на тэматыку Хатыні.

У дзень трагедыі 22 сакавіка ў мемарыяльным комплексе пройдзе цырымонія гашэння маркіраванага канверта. У бліжэйшы час выдавецтва "Беларусь" выпусціць серыю паштовак, а нядаўна ўбачыла свет кніга "Хатынь. Трагедыя беларускага народа" на трох мовах - беларускай, рускай і англійскай у выдавецтве "Беларуская энцыклапедыя імя Петруся Броўкі". Аўтар кнігі - дырэктар мемарыяльнага комплексу "Хатынь" Артур Зельскі. У мемарыяльным комплексе 22 сакавіка пройдзе мітынг-рэквіем, а напярэдадні ў Белдзяржфілармоніі прагучыць "Рэквіем" Моцарта.

Тэма хатынскай трагедыі ніколі не павінна быць забыта ў Беларусі, якая панесла вялікія страты ў гады Вялікай Айчыннай вайны, падкрэсліла Наталля Задзяркоўская.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Распрацоўкі маладых вучоных у Беларусі Агульная колькасць студэнтаў у ВНУ Беларусі складае амаль 284,3 тыс. чалавек. Колькасць студэнтаў, занятых у навуковых даследаваннях, складае каля 65 тыс.чалавек.