10 ліпеня, Мінск /Кар. БЕЛТА/. МАРГ не супраць павышэння лімітаў на пасылкі з-за мяжы да 200 еўра ў месяц. Аб гэтым паведаміла сёння на прэс-канферэнцыі начальнік упраўлення арганізацыі гандлю і паслуг Міністэрства антыманапольнага рэгулявання і гандлю Беларусі Віялета Бразоўская, перадае карэспандэнт БЕЛТА.
"Цяпер дзяржорганы на чале з Мытным камітэтам абмяркоўваюць тэму ўнясення змяненняў ва ўказ нумар 40. Ідзе размова аб тым, каб прапанаваць павялічыць кошт пасылак да 200 еўра і 31 кг у месяц у сукупнасці. Пры гэтым адна пасылка не павінна перавышаць 22 еўра і 10 кг, - сказала Віялета Бразоўская. - Міністэрства не супраць і ўзгодніць гэты ўказ з улікам меркавання бізнесу".
Гэты праект знаходзіцца на стадыі ўзгаднення, удакладніла начальнік упраўлення.
Як паведамлялася, Дзяржаўны мытны камітэт Беларусі разглядае варыянты ўніфікацыі ў Еўразійскім эканамічным саюзе бяспошлінных лімітаў на міжнародныя паштовыя адпраўленні з-за мяжы. Пакуль размова ідзе аб тым, каб прыйсці да адзінага ліміту ў памеры 200 еўра. Цяпер у Беларусі ліміт бяспошліннага ўвозу МПА складае 22 еўра.-0-