Мабільная версія
ДЗЯРЖОРГАНЫ
Апошнія навіны
Усе навіны

Макей: вядзецца работа над павелічэннем тэрміну бязвізавага знаходжання замежных грамадзян у Беларусі

Грамадства 06.10.2017 | 16:12
Фота з архіва
Фота з архіва

6 кастрычніка, Мінск /Кар. БЕЛТА/. Вядзецца работа над павелічэннем тэрміну бязвізавага знаходжання замежных грамадзян у Беларусі. Аб гэтым заявіў міністр замежных спраў Уладзімір Макей у сваім заключным выступленні на першай канферэнцыі ганаровых консулаў Беларусі, паведамілі БЕЛТА ў прэс-службе МЗС.

"Мы цяпер працуем над тым, каб павялічыць тэрмін бязвізавага знаходжання замежных грамадзян на нашай тэрыторыі", - заявіў міністр.

МЗС у свой час выступіла ініцыятарам такіх ініцыятыў па прыцягненні іншаземцаў і бізнесу, як увядзенне 5-дзённага бязвізавага ўезду праз аэрапорт Мінск для грамадзян Еўрапейскага саюза і іншых краін - у цэлым васьмідзесяці. У стадыі прапрацоўкі знаходзяцца некаторыя іншыя ідэі па аблягчэнні ўезду і знаходжання на тэрыторыі Беларусі.

"На жаль, ёсць як прыхільнікі, так і праціўнікі гэтых прапаноў. Я іх разумею, таму што з улікам росту тэрарыстычнай пагрозы і міжнароднай злачыннасці ёсць небяспека росту і нейкіх негатыўных з'яў. Мы не хацелі б гэтага. Таму мы вельмі дакладна спрабуем прапрацаваць усе аспекты, у тым ліку па процідзеянні такім з'явам. Але ў цэлым я перакананы, што мы пойдзем на далейшае павелічэнне тэрміну бязвізавага знаходжання замежных грамадзян у нас у краіне", - сказаў кіраўнік знешнепалітычнага ведамства.

Паводле яго слоў, значны нявыкарыстаны патэнцыял застаецца ў плане прыцягнення ў Беларусь замежных турыстаў. "Тут ваша дапамога можа быць сапраўды неацэннай. У краіне не проста створаны інфраструктурны мінімум - мы прапануем самыя сучасныя формы турызму: экалагічны, медыцынскі, дзелавы, адукацыйны, спартыўны, гастранамічны. Унікальная прырода, маляўнічыя запаведнікі, гістарычныя выдатныя мясціны, добра абсталяваныя здраўніцы, сучасныя гасцініцы і аграсядзібы, нацыянальная кухня, музычныя і кінафестывалі, чэмпіянат свету па хакеі і маючыя адбыцца Еўрапейскія гульні - пералік можна прадаўжаць і прадаўжаць", - адзначыў Уладзімір Макей.-0-

Версія для друку
Навіны рубрыкі Грамадства
Надвор'e
Мінск
Баранавічы
Бабруйск
Барысаў
Брэст
Варшава
Вільнюс
Віцебск
Гомель
Гродна
Жлобін
Кіеў
Ліда
Мінск
Магілёў
Мозыр
Масква
Орша
Полацк
Рыга
Санкт-Пецярбург
Салігорск

Інфаграфіка

Як прайсці тэхагляд Дзяржтэхагляд транспартных сродкаў (ТС) праводзіцца незалежна ад месца іх дзяржаўнай рэгістрацыі. На дыягнастычную станцыю аўтамабіль прадстаўляецца ў чыстым выглядзе.